Potomitan

Site de promotion des cultures et des langues créoles
Annou voyé kreyòl douvan douvan

KREYOLAD 643

Té lé ton

09.12.2016

Jid

Fanswa désidé partisipé an Téléthon-an. I té lé ton vini an bout lin-li a. Misié té di si i pa trapé dis ton, i pa ka viré lanné prochenn adan pies défi ankò.

Misié pa té lé tonbé nenpot koté i alé asou an bon mak. Mé i pa menm santi sé ton-an mòdé. An finaldikont i fè kon prézidan-an, i désidé i pa ka viré prézanté kò’y.

Prézidan la répiblik-la trouvé sa tro red zafè chomaj-la. I té ponmet sa té ké bésé, mé ou sé di an lespwa mal papay. Sa fè sé ponpié-a wouklé. Yo pa ni loto pou alé étenn difé, yo pa ni lanbilans pou pòt moun soukou. Sé ponpié-a té anrajé telman yo limen an difé dret  douvan batiman le SDIS-la.

Sa ka vini red telman, jik Fidel, pa chien vwazin lan, mé Comodante kiba-a té simié pati an péyi san chapo. Toupandan pep kiben-an ka pléré, pa koté Lézétazini gwo lafet ka woulé bò Laflorid.

Trump di i ké fini épi ras yo. Mé es lè an pep doubout ou pé fè sa’w fè an Lybie oben an Irak?

Mamay adan tout zafè-tala pa bliyé 36-37, ba sa zot pé pou yo rivé trouvé rimed ba maladi ki ra. Menmsi zot ka fè laribot adan chanté nowel. Epi lé organizatè chonjé péyé sé group nwel-la sirtou lé zot mandé yo animé ba zot tout an lannuit.

Jid

* * *

crabe

Sommaire Kréyolad

 Viré monté