Potomitan

Site de promotion des cultures et des langues créoles
Annou voyé kreyòl douvan douvan

KREYOLAD 512

Burger King

21. Mars 2014

Jid

Dépi yonndé jou, ni sa ki kontan pas yo ké pé manjé bef raché an gou yo ek sa ki pa kontan pies, yo pres ka toufé.

– Kouman ou pé di mwen tousa nou ni pou montré sé touris la, sé Burger King nou ka ba yo?

Yo vréyé labou telman, SeLe jis vréyé an let ba chef laéwopò-a, pou di’y konsa:

– Zafè  wouvè an Burger King, kidonk an bagay manjé méritjen, sa pa djè bon pou limaj Sézè. Misié pa té ni gro bouden, é manjé-tala pa ka djè rann moun piti, ni anfom!

Sé boug laéwopò-a réponn li:

– Ou pa bizwen entjet, yo ka respekté lékolomi lokal pas tousa yo ké mété an Burger King lan, léti, tonmat, lonyon-frans, sé adan an lantoupriz lokal yo ka genyen sa. An plis asiparé yo té mandé an lantoupriz Matinik pou té fè yonndé marinad, lozi, ek makadanm, mé pies pa réponn. Loyé-a té ké tro chè. Sa vrè yo té ké oblijé vann an marinad a 2 éro. Man pa ka menm palé di sanglich grenn lan oben aransò-a. Pétet sé nou prèmié té ké vréyé labou.

Kidonk yo pran an lantoupriz ki mwen chè. Mé es chandilié pé ké kouté pli chè ki lantèman?

Antouléka man sèten sé touris-la té ké simié anlot bagay ki ja akay yo.

Asiparé, adan Burger King lan, yo ké ba nou ji mango alaplas ji pech épi ji ponm-frans.

Zot pa oblijé alé genyen sa pou zot manjé, mé sé zot ka wè si zot simié an sanglich sosison a 12 éro.

Jid

crabe

Sommaire Kréyolad

 Viré monté