Dé dépité pa asou Lafrans ki té bizwen yo kom palé di yo, alé dépozé an propozision pou an lwa kont konba-kok. Sé madanm-tala pa lé tann palé di, ni konba-kok, ni kokeleur ajijéwè kokè. Yo di sa sé an krim kont bet.

Lé anmatè kok pa ka rivé dòmi. Jik Aleksandra pa rivé ba misié Jako lapawol asou RFO. Toulématen, misié ka ba’y  nouvel asou la kok ka bat an pit.

Misié Jako téléfoné sé dépité-a é yo pies pa ka réponn.

Téléfòn Serjo plen épi mésaj.

Ta Chaben-an pa menm palé. Misié pa ka réponn é asiparé i anrajé kon an kok gwo-siro lè i tann sa. I té ké vini wouj kon an fizan.

Kantapou Lwijo épi Alfred sa ka sonnen otjipé sé van, sé mésié toujou pann adan an téléfòn.

Ni yonn (man pé ké nonmen non’y pou zot pa di sé mwen ki di yo di pou man pa trapé dézagréman. Pas man sav sé jou-tala man chansé kon an kok kalagway ki ped konba’y).

Man té ka di zot, asiparé dépité-tala ni an jes teknik, lè i pa lé palé ba’w, i ka pran téléfòn li akondi i ni an napel ek i ka mété’y bò zorèy li pou fè’w konprann i otjipé.

Anfen, sé an teknik pou i pa antré adan pies konba san baton, ni dan pies pit san bon zépon.

Vandrèdi ni an lot jé ka sanm konba kok pas ni moun ka payé otan lajan ki andidan pit. Sé kok la ni non péyi. Asou kok Lafrans-la, poulemoman anlo moun pa ka djè fè fos.

Yo ka atann toujou. Yo pa anvi ped lajan-yo ki ka vini pizanpi ra kon neg a zié blé oben kon zé bourik.

Sel ba gay,  man konnet yonndé moun ki ja ka tonbé léta ek trapé bon maltet. Pandan tout mwad juen-an yo pé ké menm pé wè fèyton-yo alez kò-yo. Ni match ki pou fet a menm lè a an redifizion. Sé boug la ki pa ni tan wè’y lajounen-an ni lentansion gadé’y apré travay.

Asiré lakoup-dimond ka fè bladjè, anmatè foutbol ek chien-boul plézi, mé sa ka mété dézod adan ménaj.

Jid

Sommaire Kréyolad

 Viré monté