Simenn komémorasion-tala té ka brennen toupatou, Matinik té an manniman pou chonjé 22 mé.

Lasosiasion Martinique Yole Ronde¹ rivé asou lilet GORÉE éti anlo zanset batjé pou kité Lafrik san sav la éti yo té ka alé. 50 lanné apré Léopol Séda Sengò, prézidan Sénégal, té vini Matinik wè ek jwenn bon zig-li Émé Sézè, an yol vwayajé pou chonjé déchoukay-tala asou tè Lafrik.

Fondasion Emé Sézè² pofité mété doubout an bous (pa pwéson-an) pou jenn manmay Matinik ka fè létid litérati, sians moun ek politik. Lè an jenn ka ponmet, i mérité yo ba’y an pal, é si sé an yich maléré, sa pa pou frennen’y.

Toupandan an dépité Gwadloup té mandé «abroger» Kod nwè-a, ni serten avoka ka di fok té pito «annuler» lwa-tala. Asiré lwa-tala poko fini fè yo palé di’y, pas asiparé kom ki diré abrogasion-tala té ké opozé moun trapé réparasion.

Légliz Fon-Sen-Dini³ té choké ek dépotjolé dimanch bonmaten, lè sé moun komin-an konstaté an dépotjolaj istati. Misié limè pòté plent, mé es yo ké rivé tjébé sé moun-an ki fè vakabonajri-tala?

Pandan twa jou pa koté Laviè-Pilot pliziè moun té sanblé pou risivrè fos Lesprisen épi lafet Lapannkot-la. Es yo risivrè don palé pliziè lang sirtou kréyol?

Antouléka sé té an bel moman lapriyè épi louwanj. Ann ékolojis David (pa monsenyè) mé Comand vini wè pa limenm épi dé kokozié’y lamanniè lavi chè ka pété frisi mol moun isi. Sé pa an baboul ni an fig yo ka ba moun pa koté Lafrans. Ou sé di misié an kanpay élektoral pas i jik di: Matinik pa an «Région Ultrapériphérique» sa té ké an lenjistis sosial.

Misié ni rézon mé ni an ti-pawol ka di «Sa mel ka di an piébwa, sé pa menm i ka di atè»

Jid

Not pou konprann

1. Une délégation s’est rendue à Gorée le 22 mé pour laisser en souvenir une Yole peint par des artistes martiniquais.
    
2. La Fondation Aimé Césaire crée une bourse de l’excellence.
    
3. Vandalisme à l’église de Fonds Saint-Denis.

Bel poveb kréyol 847

«Sa ki ba’w konsey genyen bef anlivènaj, pa ké édé’y fè zeb an tan karenm».

*

Sommaire Kréyolad

 Viré monté