Kréyol toujou fè wol
Wol-mò pou wè ki manniè yo ka téré’y
Mé i toujou la
An manniè fè nou, jes nou, kanman nou
Yo té ka opozé’y antré lékol
Mé i toujou rété an lakou-a
Pa anba vié fèy-tol
Pou rakonté bagay masibol fol
Ni an manniè mol
Mé an manniè djok
Avan i té kwi
Jòdi i an bol
Mé lavi-a pa an bol toloman
Tjébé tjuiyè zot
pou manjé migan zot
Kréyol jòdi an mitan lanméri, marché
Pou zot déviré frékanté bravman
San wont ni jènman
Zot ké pran an dikté
Sa ké fè zot chonjé
Mové moman
Lè zot té ka fè an kanmiyon fot an fransé
Zot ké fè dé ti fot
Mé sa pa grav
Menm lapap fé en fot.
Lésansiel sé déviré
Bwaré épi lang-lan
Akondi dé moun
Ki tonbé damou.
Jòdi zot pé fè an ti-koulé
Dèyè Kréyol
I ka fè zot an ti-ziédou
Pa twazé’y
Mé gadé’y épi tout bel zié lanmou zot
Ka pétayé an fon tjè zot.
Kréyol-la enmen zot
Menmsi zot kité’y tonbé
Pou dot lang swadizan pli bel
Enmen’y tou, pa fè pies wol
I pé ké mennen zot lajol.
Mé adan lékol,
Lavi, kréyol pa fol.

Jid 24.10.2021

*

 Viré monté