Man sé piébwa ki soley ki van ki granmoun pa ka pwan wotè'y
kantapou fwitaj-mwen sé anni sisi ek gangan ka mò fen ki ka tjuiyi yo
Sé adan savann pa dèyè mòn, pa anba ravin, asou bòdaj chimen-chien
man ka fè tan lévé pou sa mayé dé koulè :
jòn épi vè

Sé Siret-kochon Neg lakanpay désidé kriyé mwen abo sa ka égri mwen bon égri
ek kachiman, kosol, ponm-di-lienn, prin-mouben, jik zikak
ka dérespekté mwen toulong-alé,
men fok sav ki man pa an bélévan, man pa an bwabwa kannaval
man té la, anchouké adan ti lilet-tala, avant Nonm paret anlè'y

Sé tala ki rivé primié-douvan an té ka woukouyé lapo-yo pou labelté
pou fè mayengwen ek yenyen pwan lavol tou
Sé Kalinago ki té tit-yo ek yo té ka gadé limiè lajounen-an dwet nan kokozié
san pè vèglé

Yo té konnet plis ki konnet valè mwen ek yo té ba mwen an non bidjoul pasé ayen
éti disparet pwan'y adan bankoulélé lakolonizasion-an
épi apré, Bétjé rivé, Neg débatjé, Kouli kouri-vini, Chinwa bòdé, Sirien paret
kifè pies adan sé moun-andéwò tala pa té sav kiles piébwa man té yé

Sé kon sa, an jou, san pengad, san tanpri-souplé, yo kalé djol-yo asou mwen
ek yo désidé kriyé mwen Siret-Kochon,
bagay ki fè kouzen-mwen, Tjénet, pété ri davwè, li, lachè'y siwo-miel

Sa vré man pa janmen té lé fè makakri ba pèsonn pou yo té sa jaja mwen
kidonk yo ka di man ni an gou ki rak kité rak ka alé,
yo pa ka manti anlè lavérité men, ga sa !
sé Nati-mwen ki la ek ayen pé ké fè mwen bokanté'y
ek pa konpwann si zot mété bel fwansé kravaté-lennté zot lablanni
pou kriyé mwen "Surelle", man ké moli ba zot !

Raphaël Confiant

*

 Viré monté