Potomitan

Site de promotion des cultures et des langues créoles
Annou voyé kreyòl douvan douvan

Nou kiltir

Jean Rex Casimir

 

Nou kiltir se tou enn lart,
Li fer mo pep vinn bien gayar
Nou anrasinin dan bann tradision santener,
Tou sa bann reper fer nou viv leboner.

Nou lamizik li enn melanz plizier stil,
Enn koktel eropein ek afrikin dan zil.
Isi enan konpot plizier saver,
Lakordeon zigile, tanbour fer vibrasion dan ler.

Noue nan bann valer ki pou nou bann reper,
Avek zot nou avanse touzour ver lalilimier.
Kourtwazi, bon manier vive k respe,
Fer ki kot nou enan lazwa ek lape.

Dan lakwizinn bon parfin monte,
Ninnin ouver fermin pou respire.
Rougay ourit, kari zariko ek may nou pla nasional,
Tout sort kalite pla, letour latab se enn vre festival.
Dan boner dan maler nou tou enn sel,
Kot nou solidarite li natirel.
Nou touzour enan reflex pou ede.
Nou azir avek zenerozite ek leker leze.

Nou labiyman li kouler larkansiel,
Respekte nou lekor li esantiel.
Ek nou lamine ek nou kouraz, nou nouri nou,
Lonete pou nou li enn gran bizou.

Nou lang maternel melodie, nou pe rod promouvwar li ek depenn,
Li bien zoli pou tande, dan Kreol limem ki lerwa nimero enn.
Atraver so lansegnman, zanfan dekouver zot kiltir,
Sirandann ! Sanpek ! To manman koz li e to fier.

Isi nou viv dan enn manier filozofik,
Nou afront lavi dan enn manier pasifik.
Nou akey tou sirkonstanz avek sazes,
Nou bann valer sintiye, zot mem nou rises.

Se mo kiltir, to kiltir, nou kiltir,
Mo fier, to fier, nou fier.
Li fasonn nou personalite, nou lidantite,
Limem fer nou vinn seki nou ete.

De enn zenerasion a enn lot, nou transmet nou manier viv,
Zistwar nou pep li enn reisit ki merit ekrir dan enn liv.
Gide par far ki ed nou avans ver le fitir,
Li koman enn armir, nou bizin valoriz nou kiltir.

+ Jean Rex Casimir
8 Me 2012

boule

 Viré monté