Potomitan

Site de promotion des cultures et des langues créoles
Annou voyé kreyòl douvan douvan

Ilizyon

André Fouad

Yon elatriye vil flannen
nan je ble'w toulejou

mwen pa konnen kilo ou te vwayaje
gen moun ki di se vre
gen lot ki di se nan rev sa te pase'w

yon elatriye kalte fle grandi nan rev sa

gen moun ki di se vre
gen lot ki di se nan rev sa te pase'w

rev marye koule chak vil andetres
chak fle nan jaden
chak janb de bwa nan kanaval

chimen chak rev mennen kichoy
pou la te anpedvites
anped damou

gen moun ki di se vre
gen lot ki di se nan rev sa te pase'w

gen chimen vil pou'w konte sou dwet ou
gen chante zile pou'w pa bliye
tankou yon priye katechis.

Viré monté