| Kaz | Enfo | Ayiti | Litérati | KAPES | Kont | Fowòm | Lyannaj | Pwèm | Plan |
| Accueil | Actualité | Haïti | Bibliographie | CAPES | Contes | Forum | Liens | Poèmes | Sommaire |
Nan lawonn diab filosofal la
(Flè banbou)
ta
Dominique VELASQUES
Primié chat pléré ti mayé nay
Soté an désann an kabann an sikso
Wondi siyé tout fal fidji a léman
Pozé asiz lévé ri fè moun chat
Tout bagay paré anlè tab
Pa… pa fè bwi pou sa ki sé lé bridé’w
Dézienm chat wonflé gro mayé mayé
Bénwa dlo nan fon lanmè
Térin dlo nan djol lasous
Limen limiè blanbalenn sansannalé…
« Tousa toutan an sa
men
tousa pa jenmen la pies ! »
Tout chat pran kouwi disparet an tou moun an
Siril pwenti vini benyen fon fidji
Ti lapo djol ti manmay mòdé lapriyè asou pati
Jenn ti kalbas fini pran kò an mitan son motè biltozè
Konpè kok chanté a l’Oriyan
Bwa lakonnésans wondi anlè ti zépol pa asou lapot an limiè difé
« Bésé ba men bien doubout tout oliwon zwel zédjui loloj-la »
« Atann réyalizé… »
(...)
Tout ansanm, Tout ansanm
Dodin dé lanmen dékouvè zouti
Kann Fènan wondi adan
tout kalbastet an
parabol
…
Tout an yonn, Tout an yonn
Térin paté koko lapen soulajé tjè
brodé filet napwon bèbel
anwo fil ponpon
lenn ka fofilé
filaya
fil
…
Tout an lot tout an lot
Flech Pitjan Madè mandé zanndoli mayé nan kokliko
Ti kanno sousou monté vwel
Van souflan kasé veg
Won lawonn bo
ti maléré
djok
...
Tout an lo tout an lo
Lavi sé blok domino yo maté-dématé wondi ek pwenté
Bonm ti pwa lanti ek diri an rézen bòlanmè
Pann kravat an kot lannowel
Six c’est assez agitez…
Twa fwa kat
Twelf !
…
(…)
Lekzamen fil pak baré won an bénwa : lanmò Yonn a Yonn…
« Aprann aprann aprann… »
Neg fè mouton rantré kabrit viré sòti
Milat monté maré twel an sèso limiè
Bétjé gloriyé sa ki monté an mitan difé
Kouli swen kat fè chival anlè ek ti kout tet ansanm
Chintok chapo kòn fè traves plenyen rel kon brigo anba henken
kenken
Katouwala lévé désann ek fiyala an tout tou lankonyi apik...
Owéyana lanbiské kokliko jik monté nan tet pié koko miyonnen
won lakouròn san pies nat maré an gwo zotèy fil tjè kontan...
« Désann désann désann… »
Sa dé zié wè : Do fè tjè tounen
Pilé nich fwonmi pou lonnè kou koupé
Sòti an travay fré kon tjòkok nan djol rétjen
Farin mayi pléré let anba gran tjuiyè nan bonm sérélak Dratjila
« Lévé lévé lévé… »
Beni tout wonkaré a Bènadet nan Fènwa !
Dwet Dominant kriyé istop an jan rel : Zanno...
Zel Patapoul kouwi pran lavol pa dèyè bariè lakousal
Kòn lasirenn konni kònen konnon, fonmi mimi dépozé an
travay...
« Monté monté monté… »
Pati Lot Bò Dlo.
Pran kont fè kon tout so.
Pijé tjok oben pléré gwo dlo san pa menm chonjé ladjé…
Viré pati ay jik dèyè do viré vini :
Pel dan raché koko sek,
kalbastet néyé an bonm dlo
Asiz bokanté manjé ek Lafanmi —pasi pala
ek
pa tout bò…
Palé fè labonm an mitan ti démoli zanmi (.)
Pozé mété lanmen an zétwel,
fè ponp ek viré balansé monté
ay fè laritounel won kon toutwel,
adan an ti séyo sizo foul ek lastik wostòtot…
Lévé goumen, asiz djoubaté, fésé krazé
Adan liv kon an tout zo...
Pozé jounou douvan Betanmipié.
Vréyé lanmen bo Neg Gwadloup la.
Bat fal anlè Larché Konlonnel-la…
« Chonjé chonjé chonjé… »
Bon kouyonnè ri mété a djendjen
Mové kouyonnè rimet a yenyen
Tout té ja matjé !
Ti bat ti pas an ti bout lafimen
Ti soukwé laklé pou viré balansé
Tou sa pa ka konté !
Lévé monté bay kalot an Konkou
Viré désann tout chif a zéwo
—EK MI NOU VIRE TOTO ! ! !—
Kia-kia-kia pété tout won an karé
« Lèrestan lavi, Lèrestan lavi… »
Tototo… Sa ki la ? Sé Tototo ki vini menyen Tatata
Tototo ké tatata pas sa ki la sé sa ki sa, en !
Sa ki sa sé pa sa, men tout an sa, tou !
Toutan sa, sé kitan sa, an ?
Kitan sa sé la menm !
Sé la menm ?
La menm !!!
Menm ?
Aaa
…
Aaa !
Men a-a !!!
Sa ki sa sé sa ?…
Kiles sa ki pa saaa, han ?
Anni fè sa toutan ek ou ké wè sa…
A-a, saki sa k’ka pran an montan kon sa a ?
Kouman, si sa ka pran an montan, enben, sé bien sa ki sa !
…
Woy manman papa lazas, sa ki rivé sa, han ?
Sa anni monté pwenti ek viré désann !
Sa pa zafè-mwen, viré ripran sa,
Ek viré fè sa difé pri
Andidan kò
Sa ki sa
Woy !
…
Woy !
Sa ki la !?
Sòti an sa, an !
Doubout ek ranjé sa bien !
Fè débouya pou saki la pa konpwann
Tototo menyen Tatata aloski sa ki sa poko wotè sa konsa !
(…)
Pati kité manman :
Sé zel fidji papa Papiyon
An mitan bal ek foufou fonmi fol
Atè toubouyon somatou Larad
Anwo dé pa lanmen ki asiz ployé tet
Andidan Flanbwayan Kay Anlè-Mòn an
(…)
Konpozision san diskoupé nan fil léman lantèn Loulou Bwalavil :
Lanmò Lamachin
Ek
Lavi nan Lamachin…
(…)
Van souflé —fwou— nan grodwet
Démaré magot nan djol zonbi tranglé
Lang sisiyé-mèsié misié koulèv
Dékouvè lafranch vérité nan fou difé…
(…)
Manzè katjopin ni bizwen an ti krapo vini viv anba jipon’y :
Fè doudou-darling ala salsa
Fè doudou-darling ala Mona
anlè flè bwa,
kouvé zé nouveau fuitaj pou éklò...
« Koba pasé pa la… »
(...)
Doudou pè vineg
Men i ka mò lanvi
i menyen tjè’y
(...)
Jisten ek Abdonise
Bat an sa san rété gadé
Téramèn lévé-monté ek vréyé douvan an jan pianw-lianw…
(…)
Konnet kò’w an won lalin plenn
Ti papiyot koné pistach kanté pa anwo
Rikonnet kò’w an limiè soley karé
Ti papiyot koné pistach kanté pa anba
Owala tout pwa égal ek diri an lantiy
Zel sèso nan siel wondi ek pwenti —pak !— an mitan tet...
(…)
« Kratè, kratè… »
Sé blad bouden blan Béni
ka jouwé manman an gwo-soulié a linet nwè anba lafimen
sigaret méritjen’y
oben
ka pléré ri an sel pléré anba an ti dwet sign alman anglé
« Kratè, kratè… »
Sé ti kriyak tjiak ta Mòlòkoy ek Matapel
ka doubout kwazé lanmen anba tjin, an koté pié monté anlè an
pel
oben
ka kwazé-dékwazé lanm bra, pou an ti lidé-machoket
ranblouzayè an tout-an tout
« Kratè, kratè… »
Sé ti blouk san nan ti djol ka di mòdé an piti ti koulout ta nou
ka bat san débat anba kout zépon aveg vié lanmen dianman
oben
ka viré vihi an mitan an bel jé défalman défoukasion dé ti tété
lestonmak
« Kratè anba kalbas bonm dlo… »
Sé pa kout labalet an tet, pies !
Sé pa pies palanmen an zel latjé La Frégat !
Sé pé ké jen pies klendenden ki monté abò moto Laza !
Jijé wè chanjé bò…
« Lafimen, lafimen… »
Akondi ti konni dril nan loto kòné ays !
Kontel won siren nan siel labadijou ki désann batizé plenn Lanmanten…
Yo sé konpwann an gran fétou fil kren foul an viann manjé kochon !
« Lafimen, lafimen… »
Bel gran glisé glisad an siyak Motoso : an dé kout zié, lanmen pann anlè.
Djokoti an bol jounou
désann woulé asiz
pléré mandé La Kréyolitizasion
padon...
« Lavi, lavi… »
Ki balansé woulé an ti jan two réyel...
Ki kontinié bat an lestonmak mech trop an fè...
Ki fini pa asiz ek pléré-ri dwet an mitan an ti katjil chimérik...
Chonjé nou chonjé grandè ek lajè konba-a, isiyadan ek toupatou oliwon...
Lavi ti dog andéwò obijé lasosiété néyé wonm fò nan dlo
An atandan an lot ti kout tjok bondié
ki sé fè afè-ya viré balansé alé
jik nan dènié bout,
akondi dènié ti may nay ta an gran bidim mayimayé nan Tout-ki-Tout
(...)
« Mes koupé Lajènes Doré »
« Kouwi lalin o zétwal »
Piès moun pa mété
Tout moun meté
Wol pa adan
Apadi lafet
Lapriyè réyalizé…
Bon, jou jwet Jwenn !...
Kof ti loto krapo, djol ouvè, ala pansé (.)
« Fal tonbé avan krab fè tjim an soley... »
Dékalpiché kalziè o klak-klak
An koulwè lari PAX
Lafanmi Laklé koké dwet ek saki mazet
Lafanmi Lennmi sévré pi méyè Prézan
Ek
Manniè òdinè chef papa vòlè-san-mandé
Raché koupé jik o dènié san...
« Ek sé timanmay ki tout ! »
« Djab Filosofal »
( Sé rimed ba tout moun ! )
Konyen lantèn
Fonmi mété lonnè ek respé
Konyen zépol
Tjè lanmou oben lanmitié
Konyen ziginot
Ti tak moun andéwò
Konyen soulié
Sèvis pié-lanmen-tet-koupé souplé
Konyen an do
Bout épi dézagréman
Konyen pwent monton
Bobino fil monté-désann anba lanmori kat finet
Konyen pann an do
Krab miziré tab
Konyen ployé tet ankò
Padon tanpri, mèsi souplé
...
« Pa menm palé lo mes patjé pawol makayé tjéwol rek la (.) »
(...)
Dominique VELASQUES
Oben
ISABADJOK