En zou dé milé ti aprè masé dan gran simen,
Enn ti amèn en gwo paket zerb, lot ti amèn l’azan.
Sa enn ki amèn l’azan i fer vanta, i rié son kamarad.
I dir li: «Mon frer, ki ou amèn la? Ou fin saz ou ek la pay;
Sa l’ouvraz pti mamay; pa enn travay pou gran zom koma ou;
Gété, ou lé do i tout sal. Pov diab !Vré, mon frer,
Mo ti a gangn mal o ker al divan dimoun kom sa.»
I komans rié; Kwa ! kwa ! kwa !»
L’ot i bes la tet, pa di li nayen.
Ala en pti moman, zot zwend volè, la pè i pran zot,
Zot komans tayé: Tipi, tipi, tipi, tipi…….
Koma volè i war zot foulkan kòm sa i pran son fizi.
I tir li M’sié ki amèn l’azan. Koud fizi i parti: Po !
Pov milé i tonbé: Bo ! L’ot i viré i di li:
«Mon kamarad, ou ti ri mwa. Si ou ti amèn la pay koma mwa
Zot pa ti a fer ou nayen.»