Dan lane 1865, bann premye trin finn ariv dan Curepipe parski, laliny Port-Louis-Curepipe finn uver. De lane apre, enn epidemi malarya byib byin grav inn fann lor Maurice, kraz so lepep. Plis ki 30 000 dimunn finn truv lamor dan sa malsans la.

Abe lerla, ti ena enn pake popilasyon ki'nn pran desizyon pu buze, sanz landrwa pu reste. Ladan, plipar finn desid pu al retabli dan rezyon Curepipe parski zot ti pe panse ki klima la ti pu pli bon pu zot lasante. Lakoz sa, sa gran vilaz la vit vit ti sanz kudey, aster li'nn vinn enn vre lavil.

Kumansman vintyem syek, bidze sa lavil la ti apepre 67'500 Rps. Lerla, so bord ki Virgile Naz so presidan, li finn desid pu aste enn terin dan sant vil, pre ek legliz sint Thérèse ki, sa lepok la, ti parwas lokal. Anmemtan, zot ti aste enn gran lakaz Moka apel "Malmaison" ; ek so dibwa, ek so ros, zot ti rekiper tu bann materyo pu aranz ek sa enn nuvo lakaz, Curepipe so lotel de vil.

Larsitek ti misye Manuel ek zordi nu kapav dir, so travay ti mari bon, parski apre buku siklonn ek buku reparasyon, lakaz la ankor dibut, solid ek ankor byin byin zoli. So kat tur, enn dan sak kwin, so bann dantel lakaz, so bann kolonnad, so letwa kuver nek bardo, so bann miray anba la pu relev li, ros volkan taye, tu sa la fer li definitivman enn moniman byin tipik larsitektir morisyin bann kolon lontan.

Bann zardin pre pre ek lotel de vil, zot usi zot byin remarkab, kapav truv iskiltir kuma L'Abbé de la Caille, enn zeograf Maurice lontan, Paul Jean Toulet, enn poet, Pierre de Sornay, enn inzenyer lagrikiltir, u swa ankor, kapav truv "Paul et Virginie", enn versyon an bronz enn skiltir Prosper d'Epinay...

Lotel de vil, inn inogire lane 1902, par guverner Charles Bruce. Zordi li enn sinbol devlopman tut enn lavil ki apre sa inn gany buku devlopman modern kuma lelektrisite ki li'nn gany an premye, lerla tu dimunn inn apel li "lavil limyer", li'nn gany dilo potab gras enn linzenyer angle apel Osbert Chadwick. Lor so larut rwayal, finn aranz bann "Arkad Guillemin", sa mem premye gran magazin dan Maurice, koste, vizavi, kolez rwayal, plis seleb institisyon iskoler dan Maurice, anfin, tu sa bann gran zafer la ki'nn fer Curepipe so repitasyon, lakoz sa li'nn gany so deviz : «Excelsius Splendeo», si nu kapav tradyir : «mo briy dan lekselans».

En 1865, Curepipe vit l'arrivée des premiers trains. Deux ans plus tard, une épidémie de malaria d'une ampleur considérable s'abbattit sur l'île, plus de 30'000 personnes périrent.

Aussi, de nombreux habitants migrèrent à travers l'île, à la recherche de conditions climatiques plus saines, qu'ils crurent du moins trouver à Curepipe. Du coup, cette simple bourgade changea rapidement d'allure pour devenir une véritable ville.

Au tournant du XXe siècle, le budget de cette agglomération avoisinait les 67'500 Rps, c'est pourquoi, le conseil des commissaires, qui administrait de fait cette cité, avec à sa tête Sir Virgile Naz, décida d'acheter un terrain central proche de l'église Ste Thérèse, à l'époque seule paroisse locale. Dans le même temps, on fit l'acquisition pour 25'000 Rps, des vestiges d'une maison en bois située à Moka, "La Malmaison", que l'on démonta entièrement pour reconstruire avec les matériaux récupérés,... l'Hôtel de ville de Curepipe.

L'architecte fut M. Manuel et, encore aujourd'hui, après bien des vicissitudes et nombre de restaurations successives, l'édifice est encore là, dans toute sa splendeur. Ses quatre tourelles, une à chaque coin, ses lambrequins, ses colonnades, son toit entièrement couvert de bardeaux, sa salle des mariages, immense pour l'époque, sa varangue ouverte et abritée, sa structure en bois surélevée par des murets en roche basaltique, tout contribue à faire de cet édifice un monument caractéristique et typique de l'architecture mauricienne des colons.

Les jardins jouxtant l'Hôtel de Ville sont également remarquables et on y trouve sculptures et stèles à la mémoire de personnages illustres (L'Abbé de la Caille, cartographe, P.J. Toulet, poète, Pierre de Sornay, agronome) ou d'autres œuvres esthétiques tels Paul et Virginie, version en bronze, par le célèbre sculpteur mauricien Prosper d'Epinay).

L'Hôtel de Ville, inauguré en 1902 par le Gouverneur Charles Bruce, est donc le symbole du développement de toute une ville qui ne tarda pas ensuite, à se doter de toutes les infrastructures indispensables à la modernité: elle avait d'ailleurs déjà été dotée la première de l'électricité, dès 1889, ce qui lui valut l'appellation de "Ville lumière", elle obtiendra désormais l'eau potable (grâce entre autres, à l'ingénieur britannique Osbert Chadwick) sur son artère principale, les célèbres "arcades Guillemin, premiers grands magasins de l'époque, en fascineront plus d'un, enfin, le fameux "Collège Royal", première institution scolaire de l'île, tous progrès qui firent de sa réputation une devise méritée: «Excelsius Splendeo».