Sa kestyon kre bann laliny trin dan Maurice, li remont byin byin lwin, Louis Léchelle, premye mer Port-Louis ti pe koz lor sa proze la. Me li selman dan lane 1856 ki enn linisyativ finn pran : Dokter Ulcoq, ki ti enn mam lasam agrikiltir, premye interese pu instal sa trin pu disik, li'nn sumet enn plan pu kre enn laliny trin, li'nn propoz so proze sekretarya bann koloni dan Lond mem. Bann sef , bann ofisyel angle, zot inn avoy zot lakor deswit e se guverner sa lepok la, Sir James Higginson, ki 'nn kumans sa zistwar trin la.

Dan lane 1864, laliny Lenor ti finn fini aranze. Zot inn inogir li le 24 me. Laliny pu zwenn sant Maurice, enn ti ginn plis long ek enn pant plis red, li ti finn uver 19 oktob lane apre. Dan lane 1878, sa laliny la inn ariv ziska Souillac. De lane apre sa, inn vinn ler pu laliny Rose-Hill-Bel Air kapav uver. Anfin, trwa lezot seksyon ti uver dan lane 1903-1904 (par ekzanp laliny pu al Tamarin).

Dan lane 1864 ki lagar Viktoria limem li'nn kumans fonksyone. Bann otorite inn aranz sa batiman la lor enn zonn byin pre ek lamer, lontan ti bann Salinn.

Sa lepok la, par milye, bann Morisyin ti pe pas par sa lagar la pu zot zwenn zot travay u swa zot lakaz. Depi sa lagar la, ti kapav al partu dan kat kwin lil. Li usi par trin ki disik ti sarye dan Port-Louis pu al deor. Kuma dir, tu lekonomi sa lil la ti pe pas par sa landrwa la.

Enn syek apre, dernye trin-marsandiz finn rul enn dernye fwa ver lagar Victoria avan so masinn arete definitivman. Lerla, tu bann ray ki ti pe servi avan la, finn tire pu les plas ek sa nuvo sime nef la ki nu tu kone aster. Deza dan kumansman bannane sinkant, laplas Victoria ti pe kumans servi pu tu bann bis.

Apre sa, enn but sa batiman la finn rekonverti an post ofis ek enn sant vaksinasyon internasyonal. Azordi, ena pre 125 000 dimunn ki pe pas par sa landrwa la sak zur, plis ki kat san bis pran zot ale.

La question de l'installation des chemins de fer fit l'objet de maints débats, mais aucune initiative ne fut prise avant 1856, date à laquelle le Dr Ulcoq, membre de la chambre d'agriculture, première intéressée, soumit un plan pour la création d'un chemin de fer auprès du Secrétariat d'Etat aux Colonies, qui envoya son accord de principe au gouverneur de l'époque, Sir James Higginson.

La ligne du Nord fut terminée en 1864 et inaugurée le 24 mai. La ligne du centre, un peu plus longue et d'une pente plus accentuée, ne fut ouverte que le 19 octobre de l'année suivante, pour atteindre Souillac en 1878. Deux ans plus tard, ce fut le tour de la ligne Rose-Hill-Bel Air. Trois autres sections complétèrent le tout en 1903 et 1904 (notamment la ligne reliant Tamarin).

Quant à elle, ce n'est qu'en 1864 qu'entra en service la gare centrale à la place Victoria, sur une zone qui, avant 1812, servait probablement de salines, vu sa proximité avec la mer.

À l'époque, c'est par milliers que les Mauriciens empruntaient la "Central Railway Station", première gare du pays, pour gagner par chemin de fer les quatre coins de l'île. C'est également par train qu'était acheminé vers Port-Louis le sucre destiné à l'exportation.

Un siècle plus tard, le dernier train-cargo roulait vers la gare Victoria avant d'éteindre définitivement sa chaudière. Les rails qui reliaient les diverses régions de l'île furent enlevés pour faire place à l'actuelle autoroute reliant Curepipe à Port-Louis. C'est au début des années cinquante que la place commença à être utilisée en tant que gare routière.

Une partie du bâtiment administratif fut transformée en bureau de poste et en centre de vaccination international. Aujourd'hui, ils sont 125'000 passagers à transiter chaque jour par la place Victoria. Plus de quatre cents autobus y passent chaque jour.