Pandit Sanjibonlall Ramsoondur, li plis seleb antan ki Pandit Sajibon. Depi Calcutta, li'nn vinn Maurice enn 4 avril 1866. Letan li'nn vini, li ti enn marsan anbilan me li'nn fer so fortinn gras a se ki apel "gran morselman", enn sort redistribisyon later ki ti dan lane 1878. Apre sa, letan li'nn gany so lotonomi nivo finans, etan done ki li ti enn dimunn lib, enn intelektyel, tusala ti fer li gany respe ar lezot.

Pandit Sajibon ti pe aste, revann later an kantite. Li mem, li ti enn gran propriyeter. Li ti ena 53.70 arpan Terminus Triolet. Dan sa later la, dan lane 1895, li'nn tir 10.13 arpan pu donn enn terin ar enn sosyete indu.

So terin, li'nn gany li depi enn bug apel Jules Langlois, ki'nn fer fayit ar disik, ti blize vann so lizinn. Pandit Sajibon inn kumans kraz semine sa lizinn an rwinn la, me selman li pa ti kone li pa gany drwa kraz enn moniman san permisyon. Pli tar, a koz sa rezon la, li'nn desid pu fer aranz enn tanp a so prop fre e li'nn fer proze pu sa mandir la so oter pu mem syz ek lansyin semine ki li'nn kraze.

Dan sa lepok la, suvan bann rwinn bann vye lizinn ti pe servi kuma enn baz pu aranz enn nuvo legliz u enn tanp, parey kuma Notre Dam la Salet Granbe, ki'nn aranze an plas lor rwinn enn vye lizinn disik. Maheshwarnath mandir, se bann artizan tamil ki'nn aranz li e Goinsamy Maestry ti pe tchek zot. Parmi sa bann uvriye indyin la, enn bann inn deza travay lor Jummah Moske u swa tanp Kaylason.

Pandit Sajibon li mem, suvan li ti pe partisip dan santye pu li al pli vit, me kan mem, malgre tu zefor, sa konstriksyon la finn dire depi 1888 ziska 1892.

Pandit Sajibon li mem, li finn al sers bann estati bondye ek bann pret dan Lind. Ler li'nn revini, li ti organiz enn "Shobha Yatra", enn sort laprosesyon depi Port-Louis ziska Triolet. Bann Marathi ti pe zwe sinbal for for sa fwa la.

Enn levennman eksepsyonnel ar ki Pandit Sajibon finn partisipe, se premye pelrinaz a Gran Basin. Giri Gossagne ti enn pret dan tanp bwa Pignolet a Ter ruz, se li ki'nn fer enn rev lor Gran Basin, get li kuma enn lak sakre. Apre sa rev la, Gossagne inn al rakont tu so vizyon Pandit Sajibon e ansam, zot inn desid pu al sers sa lak la, fer premye pelrinaz. Sa ti dan lane 1898, zot inn ale ek set lezot kamarad mem landrwa pu resers sa Ganga Talow la.

Depi sa, sak permi ofisyel pu fer sa mem pelrinaz sakre, li deklare o non sa Mandir Triolet la pu tu pei.

Apre inogirasyon tanp Maheshwarnath, letan Pandit Sajibon finn mor, li'nn fer don tanp la ek enn sosyete indu e sa don la ti anrezistre kot Met Baissac, noter.

Maheshwarnath Mandir. Photo F.P.

Le Pandit Sanjibonlall Ramsoondur, plus connu comme le Pandit Sajibon, vint à Maurice le 4 avril 1866, en provenance de Calcutta. Il était venu comme colporteur mais il fit fortune durant le grand morcellement qui commença en 1878. De par son indépendance économique, sa stature d'homme libre et son côté intellectuel, il était respecté de tous.

Pandit Sajibon faisait des transactions foncières sur une grande échelle. Lui-même était un important propriétaire foncier : il avait 53.70 arpents à Terminus, Triolet, desquels il concéda lui-même 10.13 arpents en 1895, pour en faire don à une société hindoue.

Il avait acquis ces terres de Jules Langlois, du fait de la faillite de l'usine de sucre de Triolet. Des ruines de celle-ci, il fit démolir la cheminée, sans savoir qu'il commettait par là une effraction aux lois sur les monuments historiques du pays. Par la suite, il décida de faire bâtir des temples hindous à ses propres frais, dont le principal aurait la hauteur de la cheminée détruite.

Les ruines des usines servaient souvent à faire des lieux de culte. L'église Notre Dame de la Salette en est un exemple à Grand Baie. L'autre est le temple de Triolet qui fut érigé sur ces ruines. La construction fut l'œuvre des artisans tamouls, sous la supervision de Goinsamy Maestry, ceux-là mêmes qui avaient construit la Jummah Mosquée ainsi que le kovil Sockalingum Meenatchee Ammen de la route Nicolay ("temple Kaylasson").

Pandit Sajibon, qui était très énergique, mettait la main à la pâte pour activer les travaux qui durèrent de 1888 à 1892.

Les idoles et les prêtres arrivèrent de l'Inde et Sajibon s'y était rendu pour aller les chercher. Quand il apporta le deuxième "Shivalingum", de Kashi, il organisa alors un "Shobha Yatra" de Port-Louis à Triolet, accompagné des Marathis qui jouaient de grandes cymbales.

Un événement majeur auquel est associé le Pandit Sajibon est le commencement du pèlerinage annuel à Grand Bassin. C'est à Giri Gossagne, prêtre au temple de Bois Pignolet à Terre rouge, qu'on doit la vision onirique et la découverte de Grand Bassin, lac sacré. Cette trouvaille rassura les Hindous sur la nature sacrée de la terre où ils se trouvaient et l'inutilité de regagner l'Inde pour y mourir. Gossagne rencontra le Pandit Sajibon à ce propos et c'est ainsi qu'eut lieu le premier pèlerinage en 1898 au cours duquel neuf personnes de Triolet se joignirent dans cette même quête spirituelle.

Depuis, le permis officiel permettant de faire des processions pour se rendre à Ganga Talao (Grand Bassin), était tiré au nom du mandir de Triolet pour tout le pays.

Après l'inauguration du temple, le Pandit en fit don à une société hindoue pour la gérance. Il donna 10.13 arpents de terre avec, selon l'acte dressé par Me Baissac, notaire.

Maheshwarnath Mandir. Photo F.P.